Mia urbo

La nomo de mia urbo estas Wrocław. Ĝi estas en okcident-suda parto de Pollando. Oni parolu la vorton Wrocław kiel “vrocŭav”.
La literon c oni parolu kiel esperanta c – ne kiel k!
La germana nomo de la urbo estas Breslau, ĉeĥa nomo – Vratislav. Kaj en Esperanto ĝi nomiĝas Vroclavo.

Aŭskulti Elŝuti

La urbo estas malnova. La historio pri la urbo estis skribite unuafoje en la jaro 1000. Tiam la unua katolika episkopo
ek-okupis sian oficon en la urbo.

vortaro

Dum  jar-centoj la urbo estis parto de multaj ŝtatoj: Pollando, Ĉeĥio, Hungario. Aŭstrio, Prusujo, Germanio kaj ree Pollando.
Dum la Dua Mondmilito la urbo estis multe damaĝita sed nun ĝi jam brilas denove per siaj malnovaj kvartaloj.
Multaj turistoj vizitas mian urbon kaj mi esperas ke ankaŭ Vi iam venos ĉi tien. Oni povas gastiĝi ĉe hotelo kun kvin steloj aŭ simplaj gastejoj.  Oni povas promeni tra la urbo piede, per tramo, per aŭtobuso, oni povas lui aŭton…

Mi loĝas en Vroclavo jam 59 jarojn – plej-parton de mia vivo.
Venu kaj ĝuu la amikeman urbon!

 

Toeko – Teodor Konopka, Pollando  -  reviziis José Dias Pinto – voĉlegis Emílio Cid
Sendi la tekston per retmesaĝo Sendi la tekston per retmesaĝo

 

 

episkopo: religia estro
kvartalo: parto de urbo
turisto: iu, kiu vojaĝas por plezuro
tramo: en-urba sur-rela veturilo
lui: pagi iom da mono por uzi ion dum certa tempo
ĝui: ricevi plezuron/utilon de io